હું તારામય થઇ જતો જ્યારે

બગીચામાં આંબાની ડાળ પર કોયલ ટહુકતી જ્યારે,
બે ધબકાર સિવાયના અવાજની જાણ થતી મને ત્યારે,

ભીડાયેલા આંગળીઓના અંકોડા છુટા પડતા જ્યારે,
ચાર હાથના અસ્તિત્વની જાણ થતી મને ત્યારે,

પવનની લહેર આંખો બંધ કરાવી દેતી જ્યારે,
પાંપણનું અસ્તિત્વ મહેસુસ થતું મને ત્યારે,

તારા શ્વાસોચ્છવાસ ને મહેસુસ કરતો હું જ્યારે,
તારી પાછળ રહેલી દુનિયાનું ભાન થતું મને ત્યારે,

હું તારામય થઇ જતો જયારે, મારી 'વ્હાલી',
હું, 'હું' મટીને 'સુગંધ' બની જતો હતો ત્યારે.


- સુગંધ.