પ્રોમિશ?

મારું "પ્રોમિશ"તો મેં આપી દીધું. હવે સવાલ. (કે સવાલો?) તું જવાબ તો આપીશને?

અજાણ્યા છીએ અત્યારે તો,

પરિચિત મને તારાથી બનાવીશને?

દુનિયા અનર્થ-ઘટન ભલે કરે,

પણ તું થોડામાં ઘણું સમજીશને?

મારે ઉડવું છે અનંત આકાશમાં,

આ સહેલગાહમાં સાથ આપીશને?

તું રૂઠીશતો, લાડ તને લડાવીશ,

પછી તો "જીનું" તું માની જઈશને?

અને જો હું રૂઠું કોઈ વાતથી,

વ્હાલથી મને તું મનાવીશને?

જીવનની સફર "આપણી" છે આ,

સાથે આવીને આનંદ એમાં ઉમેરીશને?

- સુગંધ. (૧૦ જાન્યુઆરી , ૨૦૧૬)