અંત:કરણ

ભટક્યું  મન વન માં, વગડા માં,

અફાટ સમુદ્ર ને ખુલ્લા એવા આકાશમાં;

શોધ ખોળ ચાલુ હતી કશાક ની,

આ જ ધરા પર  કોઈક ખૂણા માં;

શોધી ખુશી અને શોધ્યો સંતોષ,

ફરી વળ્યો મારા  આખા ગામ માં;

મહાયાત્રા પૂરી કરી, ફર્યો પાછો,

મારી પોતાની પાસે, મારા એકાંત માં;

લેખાજોખા લીધા, ઉલટ તપાસ થઇ,

મારી જાત ની, મારા હૃદય માં;

મળી મને, મહામુલી એ વસ્તુ,

પોતાના શરીર રૂપી એવા આ ખોળિયા માં !

Paulo Coelho ની નવલકથા The Alchemist જો વાંચી હોય તો આ વાત જલ્દી સમજાઈ જશે કે હું શું કહેવા માંગું છું. ના વાચી હોય તો પણ કોઈ વાંધો નથી, સમજવા જેવી અને સરળ રીતે સમજાય તેવી આ બહુ સરસ વાત છે.

- સુગંધ. (૧૪ મે, ૨૦૧૧)