સુગંધ - મારી આગવી દુનિયા

Realization

2011-12-25T15:10:00.001+01:00

તમે ક્યારેક તો આવશો એ વિચારે,
માંડી મીટ તમારા પસાર થવાના માર્ગ માં,

દરરોજ જોયા વિદાય લેતા સુર્યાસ્ત,
નવી સવાર ની શરૂઆત થવાની રાહ માં,

હૃદયે બતાવ્યો અરીસો ખોલી એના દરવાજા,
મળતા મળ્યા તમે એકદમ મારી પાસ માં,

પડી ખબર તમે તો છો માત્ર મૃગજળ,
છબી સમા અંકિત છો હૃદય માં,

માંડી મીટ હવે ભવિષ્યના વિચારે નવા રસ્તે,
મલક્યો 'સુગંધ', સૂર્યોદય નું કિરણ આંજી આંખ માં.

બહુ વિચાર્યું પરંતુ ગુજરાતી મથાળું આપવામાં મન ના માન્યું કેમેય કરીને, એટલે આખરે અંગ્રેજી માં લખ્યું. શબ્દો તો ઘણા મળ્યા પણ પછી થયું કે ગુજરાતી કવિતા ને અંગ્રેજી મથાળું, ચાલો કંઈક નવું લાગશે.

- સુગંધ. (૨૫ ડીસેમ્બર, ૨૦૧૧)

હાઇકુ

2011-06-23T16:16:00.002+02:00

સાવજ પણ,
થઇ ને વનરાજ,
સાવ જ સુનો !

"सो सुनार की, एक लोहार की" ની જેમ હાઇકુ ના ૧૭ અક્ષર પણ એવી ચોટદાર રજૂઆત કરવાની શક્તિ હોય છે. અને સરસ વાત એવી છે કે હાઇકુ લખવાની બહુ મજા આવે અને એને મમળાવાની તો ઓર મજા આવે.

- સુગંધ. (૨૫ મે, ૨૦૧૧)

અંત:કરણ

2011-05-15T11:12:00.001+02:00

ભટક્યું મન વન માં, વગડા માં,

અફાટ સમુદ્ર ને ખુલ્લા એવા આકાશમાં;

શોધ ખોળ ચાલુ હતી કશાક ની,

આ જ ધરા પર કોઈક ખૂણા માં;

શોધી ખુશી અને શોધ્યો સંતોષ,

ફરી વળ્યો મારા આખા ગામ માં;

મહાયાત્રા પૂરી કરી, ફર્યો પાછો,

મારી પોતાની પાસે, મારા એકાંત માં;

લેખાજોખા લીધા, ઉલટ તપાસ થઇ,

મારી જાત ની, મારા હૃદય માં;

મળી મને, મહામુલી એ વસ્તુ,

પોતાના શરીર રૂપી એવા આ ખોળિયા માં !

Paulo Coelho ની નવલકથા The Alchemist જો વાંચી હોય તો આ વાત જલ્દી સમજાઈ જશે કે હું શું કહેવા માંગું છું. ના વાચી હોય તો પણ કોઈ વાંધો નથી, સમજવા જેવી અને સરળ રીતે સમજાય તેવી આ બહુ સરસ વાત છે.

- સુગંધ. (૧૪ મે, ૨૦૧૧)

ખુલાસો

2011-05-12T19:29:00.000+02:00

શાળા ભણતી વખતે ઘણી વાર એવું થતું કે જોઈએ એ ગીતો ના પુરા બોલ, શબ્દો મળતા નહિ અને એ વખતે ઈન્ટર નેટ પણ બહુ પ્રચલિત નહોતું.

પછી એક દિવસ, જયારે હું મોટો થઇ ગયેલો, મારી પાસે લેપટોપ હતું, ઈન્ટર નેટ હતું, ત્યારે ચોક્કસ કહું તો, ૯ ડીસેમ્બર, ૨૦૦૬ ના દિવસે અચાનક ઈચ્છા થઇ કે મને ગમતી બધી ગઝલ, કવિતા, હાઇકુ એકઠા કરું અને મારો બ્લોગ બનાવી ને મુકું. ત્યારે બ્લોગ જગત પણ ધીમે ધીમે જાણીતું થતું જતું હતું, એટલીસ્ટ મારા માટે તો ખરું જ. મારે જયારે પણ જોઈએ ત્યારે હું મારા બ્લોગ પર જઈ ને વાંચી શકું અને જો બીજા કોઈ ને ઉપયોગી થાય તો એના થી રૂડું બીજું શું ? આમ કરતા કરતા હું પણ થોડું ઘણું લખતો થઇ ગયો. આજની તારીખ સુધી માં ટોટલ ૧૯ કૃતિ છે મારી આ જ બ્લોગ પર.

પણ પછી થયું એવું કે ધીમે ધીમે બ્લોગ નો રાફડો ફાટ્યો અને વિનયભાઈ જેમ કહે છે એમ કોપી-પેસ્ટ (વિનયભાઈ ની આ બે લેટેસ્ટ પોસ્ટ વાંચી જોજો, 1st, 2nd) ચાલુ થયું. હું એજ કરતો હતો પણ મારો આમ કરવાનો ઈરાદો મેં ઉપર જ સ્પષ્ટ કર્યો. પણ હવે સમય બદલાઈ ગયો છે . એક શોધતા ૧૭ નહિ ૧૭૦ મળશે કવિતા, તો હવે શું જરૂર છે આમ કરવાની ? કવિતા જોઇશે ત્યારે શોધી દેવાશે ગુગલ દેવતા ની મદદ થી. ઉપરાંત આપણી બધાની પાસે, શિરમોર એવી, Readgujarati, Tahuko અને Layastaro છે જ ને. તો આજ થી એ બધું બંધ. આ બ્લોગ પર ની બધી પોસ્ટ (જે મારી નથી) એ delete કરી નાખી છે. હવે ફક્ત મારી રચના ઓ જ છે.

જયગુજરાત.

- સુગંધ.

હતો ત્યાં ને ત્યાં

2010-05-16T17:11:00.004+02:00

એક પ્રેમી પોતાની પ્રેમિકા ને ભૂલવા મથે છે ને એ પ્રયત્ન માં ફરી એની યાદો માં ખોવાઈ જાય છે એ મુદ્દા પર સુઝી આવેલા થોડા વિચારો અહી રજુ કરેલા છે. થોડીક હળવી શૈલી માં સ્ફુરેલા આ વિચારો ને એ રીતે જ મમળાવવાની મજા આવશે.

યાદો ને સમેટી લીધી મેં તારી,
સારું થયું કે હવે તને ભૂલી ગયો,

પણ ના આ વિચારી ને તો પાછો,
મારા મન માં કૈક સળવળાટ થયો,

નાની અમથી હિલચાલ માં થી,
એક મોટો વા-વંટોળ ઉભો થયો,

વાગોળી-મમળાવી ને સંગાથ તારો ,
પાછો હું યથાવત થયો.

- સુગંધ.

તું અને તારૂ અસ્તિત્વ

2010-04-24T14:03:00.002+02:00

અમુક પળો ને કેદ કરી મેં કેમેરા માં,
અમુક વાતો ને સાચવી છે કલમ ના સહારે,

પણ કેવી રીતે કેદ કરું તારી આ શરમ ને,
અથવા તારી શરમ ને જોઈ મને થતી અનુભૂતિ ને,

નથી કોઈ માધ્યમ પણ વ્યખાયિત થયેલું,
કે જેમાં હું બચાવી રાખું તારા આ સ્મિત ને,

હા એક માધ્યમ છે મારી પાસે બહુ કામ નું,
જેમાં હું સાચવી રાખું છું તારી યાદો ને,

એ છે હૃદય જે કરે છતી બહુ વાજતે ગાજતે,
મારા જીવન માં તારી હાજરી ને,

ભલે નથી તું મારી પાસે આ ભૌતિક વિશ્વ માં,
જોજનો પણ થઇ જાય નાના, બંધ કરું જયારે આંખો ને,

યાદો ને હડસેલવાનો જરા સરખો પ્રયત્ન પણ,
ગહન કરી નાખે છે મારા મન માં તારા અસ્તિત્વ ને.

- સુગંધ.

દશા

2009-10-08T12:42:00.002+02:00

તમને સ્પર્શે કે ના સ્પર્શે, જેવી છે એવી કવિતા મારી છે,
શું ફરક પડવાનો કોઇ ને, લાગણી તો અંતે મારી છે.

વિચારી, મમળાવી ને તમે તો આખરે છુટી જવાના,
પણ ઝંઝાવાત માં અટવાવાની દશા તો અંતે મારી છે.

- સુગંધ.

કાગળ ને કલમ

2009-09-27T13:03:00.002+02:00

જો તને સાંભળવું ગમે છે તો મને બોલવુ ગમે છે,
સંભારતા એ વાત હવે તો હ્રદય પણ બોલી ઉઠે છે,

યાદ અસહ્ય બનતા રસ્તો લીધો મે કવિતા ને ગઝલનો,
તને યાદ કરી ને હવે તો આંખો પણ ચુઇ પડે છે,

શબ્દો ને ઉતારવા જતા કાગળ પર અટકી જાય છે હાથ,
મન ને પણ હવે તો શુન્યમનસ્ક થઇ જવુ ગમે છે,

ફુટે છે શબ્દોની સરવાણી મનમાં પણ વહેતી નથી બહાર,
શબ્દો પણ હવે તો અંદર ને અંદર ગુગળાઇ મરે છે,

આમ જોઇ મારી નિ:સહાયતા અને અસમર્થતા,
કાગળ ને કલમ પણ હવે તો રોઇ પડે છે.

- સુગંધ.

હાઇકુ

2009-06-26T21:25:00.003+02:00

પકડવા હું
મથું મારી યાદોને,
જાય સરકી !!

- સુગંધ.

હું તારામય થઇ જતો જ્યારે

2009-05-31T21:44:00.003+02:00

બગીચામાં આંબાની ડાળ પર કોયલ ટહુકતી જ્યારે,
બે ધબકાર સિવાયના અવાજની જાણ થતી મને ત્યારે,

ભીડાયેલા આંગળીઓના અંકોડા છુટા પડતા જ્યારે,
ચાર હાથના અસ્તિત્વની જાણ થતી મને ત્યારે,

પવનની લહેર આંખો બંધ કરાવી દેતી જ્યારે,
પાંપણનું અસ્તિત્વ મહેસુસ થતું મને ત્યારે,

તારા શ્વાસોચ્છવાસ ને મહેસુસ કરતો હું જ્યારે,
તારી પાછળ રહેલી દુનિયાનું ભાન થતું મને ત્યારે,

હું તારામય થઇ જતો જયારે, મારી 'વ્હાલી',
હું, 'હું' મટીને 'સુગંધ' બની જતો હતો ત્યારે.

- સુગંધ.

હાઇકુ

2009-05-26T21:46:00.004+02:00

મિથ્યા જગત,
વ્યથા ને મુંઝવણ,
બાળ લાચાર !!

- સુગંધ.

હાઇકુ

2009-05-14T11:56:00.006+02:00

પ્રણય કર્યો
શું હતું અનુચિત ?
હું અજાણ્યો ?

અથવા

પ્રણય કર્યો
કોણ નથી ઉચિત ?
હું અજાણ્યો ?

- સુગંધ.

પરબ

2009-04-21T10:18:00.004+02:00

અતુટ બંધને બંધાયેલા આપણે,
કરતા હતા પ્રેમ હું ને તું,

પરબ ઉભરાતી હતી ને,
તરસ્યાને મળતુ ઉલેચવા,

સરોવરમાંથી બની નદીને,
માર્ગ થયા બન્ને કાંઠે,

જોઇ તને વર્ષો પછી,
થયો ગુણાકાર ખાલીપાનો,

થયું કે, ઉભરાય છે આ પરબ તો હજુ પણ,
પરંતુ તરસ છીપાવ્યા વિના વહી જાય છે.

- સુગંધ.

કશ્મકશ

2009-03-23T10:11:00.004+01:00

વિચાર-વાક્યોની આંધી ઉમડવા છતાં
શબ્દો ના મળે એવી પરિસ્થિતિ છે,

ધસમસતી ગાંડીતુર ઉર્મિઓની
આડે બાંધેલો સંયમરુપી બંધ છે,

તોફાને ચડેલા સાગરમાં મધદરીયે
આગળ વધતા ખલાસીની મનોદશા છે,

કિનારે હવાના ઝોકાં સામે ઝીંક ઝીલતા
પત્તા ના મહેલની જેમ તૂટી પડવાની અણી ઉપર છે,

સ્વયંને સમજાવતા રહીને સમાજમાં
ખુશી વિના મલકતા રહેવાની 'સુગંધ'ને આ સજા છે.

- સુગંધ.

તલાશમાં છું

2008-12-19T00:47:00.002+01:00

માણસે-માણસે હુંફ શોધતો હું,

ઘડીકમાં પ્રેમની તો ઘડીકમાં પ્રિયતમાની તલાશમાં છું,

અડફેટો ખાતો, પડતો આખડતો હું,

ખાંખાખોળા કરતો, શુન્યાવકાશમાં અવકાશની તલાશમાં છું,

પા-પા પગલીથી દોડતો હું,

કશુંક પામવાને, લક્ષ્ય પામવાને કટીબધ્ધ છું,

માણસોની ભીડ વચ્ચે માનવતાને શોધતો હું,

જાણે ઘાસની ગંજીમાંથી સોય શોધવાની મથામણમાં છું,

આભાસી એવી આ દુનિયામાં,

ખરેખર તો હું મારા વજુદની તલાશમાં છું.

- સુગંધ.

તારી એ સુગંધનો દરિયો : ભાગ-૨

2008-12-16T01:48:00.003+01:00

તારી એ સુગંધનો દરિયો : ભાગ-૧ અહિં વાંચો.

ચુંબકીય તારૂ વ્યક્તિત્વ,
ને મુગ્ધ તારી એ નજર,

બાળક જેવી તારી એ જીદ,
ને હાય.. તારી એ અદા,

પારદર્શક તારી એ ત્વચા,
ને ડુબી જવા આમંત્રિત કરતી એ આંખો,

મારા વ્હાલ ના પુરાવારૂપી,
તારા ગાલ પર શરમના એ શેરડા,

નથી જીરવાતો તારો આ વિયોગ,
ને નથી સહેવાતી આ જુદાઇ,

કેમ કે, હજુ પણ યાદ છે મને,
ને હજુ પણ શ્વાસમાં છે મારા,

મિલન વખતે ભરતી રૂપે ઉભરતો,
તારી એ સુગંધનો દરિયો,

તારી એ સુગંધનો દરિયો,
આહા.. તારી એ સુગંધનો દરિયો...

- સુગંધ.

એક વિરામ

2008-02-07T10:14:00.001+01:00

ચાલતા ચાલતા એક વિરામ,
રોજ રોજની આ દડમજલથી આરામ;

જાણુ છુ જવાનુ છે કેટલે,
હજુ તો છે મુકામ ઘણુ દુર;

અંતરની છે એષ્ણા ને છે પોકાર,
અવસર છે પામવાનો નવો આકાર;

આ તો જરા ઘડી બે ઘડી આરામ,
પછી નવુ જોમ ને ફરી કામ, કામ ને કામ.

- સુગંધ।

મુંઝવણ

2007-08-15T00:51:00.001+02:00

ગુંચવણ માં છું ને મુંઝવણમાં છું
ઉકેલ શોધવાની વિસામણમાં છું.

આ શું થાય છે ?
તે શોધવાની મથામણમાં છું.

જે થાય છે તે કેમ થાય છે ,
તે સમજવાના પ્રયત્નમાં છું.

છતા પણ નિરંતર
કંઇક પામવાના યત્નમાં છું.

- સુગંધ.

તારી એ સુગંધનો દરિયો...

2007-05-14T11:18:00.001+02:00

જાજરમાન તારો એ ઠસ્સો,
ને રણકતો તારો એ પગરવ,

ખળખળ તારૂ એ હાસ્ય,
ને સુચક તારો એ મલકાટ,

અતિસુદંર તારી એ સુદંરતા,
ને મોહક તારી એ લજ્જા,

હજુ પણ યાદ છે મને,
તારી એ સુગંધનો દરિયો,

હજુ પણ શ્વાસમાં છે મારા,
તારી એ સુગંધનો દરિયો,

તારી એ સુગંધનો દરિયો,
તારી એ સુગંધનો દરિયો...

- સુગંધ।

શું ખરેખર ??

2007-01-19T10:40:00.001+01:00

શું થયુ એ દિવસે
કંઇ ખબર પડી ?

કંઇ કહ્યુ એને
સંભળાયુ કે નહિ ?

જે સાંભળ્યુ તે ઊતરી ગયુ
હ્રદય સોંસરવુ

માર્ગ થયા અલગ
શું ખરેખર ??

- સુગંધ.

બાળપણના ઉત્સવો

2007-01-08T01:04:00.001+01:00

એ પતંગ માટે કરેલી જીદ..
અને એ હોળીના રંગોની મઝા..

એ ઊનાળાની રજાઓની ઇંતેજારી..
અને એ ઉઘડતી શાળાનો વરસાદ..

એ ફળીયામાં થતી નવરાત્રી..
અને એ દિવાળીમાં ચારે તરફ છવાતો આનંદ..

નથી ભુલાતા એ તહેવારો..
એ જ તો છે બાળપણના ઉત્સવો ..

- સુગંધ.

ધરુ મુઝને તારા ચરણમાં...

2007-01-08T00:35:00.001+01:00

ધરુ મુઝને તારા ચરણમાં...
કૃપા ચાહુ તારી જગત માટે...

અમી નજરૂ તારી ને...
કલ્યાણ થાય જગનું...

- સુગંધ.